“ಕನ್ನಡದ ನೆಲವನ್ನು ಆಳಿದ ಹಲವು ರಾಜಮನೆತನಗಳು ಮತ್ತು ಅವರ ಕಾಲದಲ್ಲಿ ಕನ್ನಡದಲ್ಲಿ ಬರೆಯುವ ಮೂಲಕ ಕನ್ನಡಕ್ಕೊಂದು ದಿವ್ಯ ಇತಿಹಾಸವನ್ನು ಕೊಟ್ಟು ಹೋದ ಕವಿಗಳ ಹೆಸರುಗಳನ್ನು ನಾವು ಬಲ್ಲೇವು, ಆದರೆ ಅವರ ಈಗಿನ ವಂಶಸ್ಥರು ಯಾರು ಅನ್ನುವುದನ್ನು ಬಲ್ಲೆವೇ? ಈ ಪುಸ್ತಕ ಅಂತಹದೊಂದು ಪ್ರಯತ್ನವನ್ನು ಮಾಡಿದೆ. ರಾಜವಂಶಸ್ಥರ, ಕವಿಗಳ ಈಗಿನ ವಂಶಸ್ಥರನ್ನು ಪತ್ತೆ ಮಾಡಿ, ಭೇಟಿ ಆಗಿ, ಅವರ ಬಳಿಯಿರುವ ಆಧಾರಗಳನ್ನು ಕಂಡು, ತಿಳಿದು ಅದನ್ನು ಕನ್ನಡಿಗರಿಗೆ ಪರಿಚಯಿಸಿ ಕೊಡುವ ಈ ಕಿರು ಹೊತ್ತಗೆ ಒಂದು ಅಪರೂಪದ ಹೊತ್ತಗೆಯಾಗಿದೆ.
“